بعد مـرور سنة من وفاة ((فهد)): 2008
خلال هذي السنة جاسم متعذب من أبوه ومن وفاة حبيب قلبه فهد بحادث سيارة ....
خلال السنة اللي طافت ...معاناة ...معاناة ..الكل كان يتهم جاسم أنه اهوا اللي قتل ((فهد)) بالرغم أن فهد مات بحادث ....
فهد كان قاعد بالغرفة وكان الرمضان خلص من صلاة العصر ...جاسم أول مرة يصلي فيها كان بعد وفاة رفيقه ((فهد)) ...
أم جاسم نادت جاسم عشان يتفطر بالرغم أن جاسم ولا مرة نزل تحت عشان يتفطـر كله فوق ومايتعشى ويتريق
ويتسحر بالرمضان الا بداره وحتى بالايام العادية .. أم جاسم حبت تقرب أبو جاسم لولده جاسم اللي
كله بداره وأبوه ظالمه ظلم ...ظلم محد يقدر يتوقعه ...جاسم غصب نزل تحت بعد ماأمه أجبرته أنه ينزل....
بعد مانزل ....
الكل كان قاعد عالطاولة أخـوان جاسم ألا أبوه اللي كان يقرأ قرآ ن بداره ...
كانوا قاعدين على الطاولة ...
مشاري (24) ، ريان (15) ، حنين (19) ،طيف(17)، الجوري (27)..
.. وعياله: بدر (3سنين) وعامر(شهرين).وأم جاسم ...وجاسم قعد معاهم (20) سنة ....
مشاري : جاسم شلونك ؟؟؟..
جاسم ودمعه تنزل من عينه وبصوت مبحوح: ..زين
مشاري : شفيك من مات فهد واحنا ماشفناك ...
جاسم بصراخ ودموع : فهد ما مات فهد حي معاي موجود فهد بداري ينطري ....
الجوري : شفيك جاسم ..فهد راح يصرله سنة ميت ..
جاسم: لا ..لا فهد قعد يدورني ...آه وينك يافهد شوفهم يتشمتون فيني ...
مشاري بصراخ....: احنا تشمت فيك شنو مجانين ..
أم مشاري اللي اهيا أم جاسم: بس خلاص.خلاص الحين بأذن ...ريان نادي أبوج بأذن ...
ريان : أنزين الحين أروح ...
جاسم أول ما سمع أسم أبوه تدوده وكان يبي ينحاش...
مشاري : وين ..وين رايح ..أقعد..
جاسم: يما أنا مو جوعان ..نعسان أبي أنام ...
مشاري مسك جاسم: شنو مو جوعان أنت صايم ولازم تفطـر ...
يأ أبو جاسم اللي كان قلبه حجر وأسود على ولده :
شاف جاسم قاعد على الطاولة وقعد يسولف مع أخته ريان:
أبو مشاري اللي اهو أبوجاسم: أم مشاري طلعيه فوق قبل لا
أخليه عليه يوم القيامة .. طلعي ولدج فـوق ..ولد ابليس ...الكافر اليهودي .. القاتل ..
جاسم بدمعة من دم: شنو ماني ولدك ..ليش تغيرت ...انا كافر ....
أبو مشاري رفع ايده للسمى ووجه دعوة لله على جاسم قدام جـاسم اللي وقف منصدم وعينه على أبوه والدموع تنزل من عين جاسم:
أبو مشاري: (( عسى الله ياخذك ونفتك منك ، ومصيرك جهنم قول آ مين ...))
جاسم وقف منصدم ودموعه على خده ..قال كلمة ...وصعد داره بعد دعاء أبوه عليه كان يطالع أبوه بطرف عينه
جاسم: آميـــــــــن .....
أم مشاري : ليش تسوي جذي مع ولدك . بدال ماتخفف عليه وفاة فهد تزيد جروحه حـرام عليك هذا ((ولدك))..
أبو مشاري : خل يولي هذا ولدي كان ولدي وتبريت منه ماعندي ولد واحد غير ((مشاري )) ما عندي .. أذن بسج
دموع افطري وانتي ساكته ...هذا كافر مو مسلم عشان يصوم ويصلي .. ذبح رفيقه يبي الله يغفرله ...
بعد الفطور وصلاة المغرب ..جاسم راح صلاة التراويح ..
وقف في الصف الثاني ..جاسم يحب أبوه ولا يوم راح يفكـر أنه يكره أو يحقد عليه يعني ((له قلب على أبوه ))
وقف في الصف الثاني وبعدين لمن قعد يطالع قدام قاف قدامه أبوه وكان واجد
مستانس لكن أبوه التفت وشاف وراه جاسم وطلع من المسجد ...جاسم لحق ابوه ومسك ايد ابوه عند الباب
:-جاسم: يبا ..يبا ..انطـر وين رايح,,
أبوه : وخر ايدك..عني ...
جاسم بدموع : أنا كــافر ليش أصلي ..أنت المسلم أنت المفروض تصلي أنا قتلت فهد ,,,, قتلته واهوا حي منعته
من الدنيا ......أنا المجرم ..أنا الظالم ..روح صلي روح صلي ...يشهد ربي أن غلاتك عندي أكبر من الكون بعد فهد ...
أبو جاسم ما أهتم لدموع ولده
وراح يكمل صلاته ولده فهد اللي اتجه لمقبرة الصليبخات ...رايح يشوف ((قبر)) أعز انسان ...فقده بحادث سيارة ....
جاسم ..اهوا بالسيارة بدموعه : كان يحس بشخص بس منو هذا الشخص ؟ اللي كان يكلمه بالسيارة ....
جاسم : أمانة يا فهد ..طلبتك ..لا تخليني
...طلبتك ..لا ..وحدك تدري منو أنت عندي أنا شفيني.. أمانة قول لعبة وتبي تعذبني ...ليش أحلامنا ..منو
يحققها.. أنا بروحي ..أمانة قول شفيني ..أنا بحلم ..أبيك تصحيني ...أمانة خلني قريب ..لا تقول يومك بعد
يومي ..تذكر ..يوم كنا نضحك .نبكي ..دمعتنا بنفس الوقت تنزل.. تداويني وأداويك ..ولا مرة زدت جرحي ..أنا اللي زدت
جروحك ..وخليتك و ما داويتك..تركتك ..بروحك ..وفجأة خسرتك ..؟؟ بشنو بحادث سيارة ..ليش ..ومنو السبب ؟؟...
((ليش.. ما دري ، بس السبب أنا ))
جاسم ماكان له حل غير الدموع ويحس بصوت فهد حواليه ...ودموعه ,,(خلاص) ....
نزل جاسم من السيارة وراح لقبر أعز انسان .....
((فهد ….جاسم انهار ..طاح على القبر دموع وحسرة وندم ((تدرون ليش ))؟؟؟
لان أول مرة يروح المقبرة ويشوف قبر ((فهد)) تمنى أنه يكون قبره ...تمنى الارض تنشق وتاخذه مع اعز انسان..وأغلى
بشر ..رفيق الدرب ..أخو أحَضان ..حبيب القلب ...عزيز وغالي ..أمير الحب ..ويزيد الشوق والحنان ....آه ..
جاسم ودموعه تطيح على قبرفهد : آه يافهد ..ليش تخليني ليش ...خليتني ..بروحي..الكل تاهمني...أنا
ذبحتك ...بيدي ...صرنا بالزمن لعبة ...تركنا الحب ..وينه ..أنا أهون عليك...حرام اذا أنا أهون عليك ...ودي أكـون
دايم بقربك ..بس أنا اللي بقلبك ..أنا والله موووووووت أحبك ياهواك ,انت بعيد....فهد رد لا تعذبني ..أبيك تكون
دايم بقربي ...تواسيني ...تفهمني ...آه العيد جاي ..شاركني ..وعيد ميلادك ..آآآآآهـ ..شنو أسوي ..تصدق
يافهد هذا أول عيد ميلاد لك ما أحتفل وياك ...آه حس فيني الحين راح يصيرلك ((سنة )) ...ميت ... حس
فيني ..أنا حسيت بذنبي ....والله إني حسيت .. تدري ..أبوي ..تبرى مني ..ما يعطيني فلوس ...والجامعه طردتني
من كثرة الغياب .. مالي أحد بهالدنيا ؟(غيرك)اشكيله همي ...تدري أبوك ..قام ..يعطف ..فوق كل اللي سويته ...لمن
يناديني ...يناديني ...((أبو فهد)) تذكر هذي أمنيتنا ..لمن كنا صغار ..لمن كانوا ينادوني ((أبو محمد )) أزعل أقول
ولدي اسمه ((فهد)) اسمه على أعز انسان عندي ..وانت (تنزل دموع جاسم بحرارة ويبتسم) تذكـر يوم يقولك
وانت يا فهد شتسمي ولدك قلت اسميه على ((جاسم)) أخوي ورفيقي وأمي وأبوي ...فقدتك ..فقدتك ...آه ..آه ..
جاسم ما كان يقدر يشكي لاحد ويسمعه غير رفيقه ..فهد,,..
جاسم كان كل مايروح مكان يتذكر فهد فيه إذا راح
مباراة حق القادسية مايكون عقله بالمباراة بس يفكر بفهد ويتذكر شلوون إهو وفهد لمن تفوز القادسية شلوون
يحتفلون ولمن تخسر شلوون يزعلون ويخففون عن بعض يكون قاعد بالمدرج بروحه بعيد عن الجماهير عازل نفسه ولمن
يركب الطراد الفجر يحط المينيبولي اللعبه اللي دايما اذا راحوا الطراد يلعبونها ويحطها ويقعد مكانه بهدوووء ويطالع ويسرح
ويتذكر شلوون كانوا يلعبون بالطراد ولمن قطون نفسهم بالبحر ولمن يرووح المطعم يطلب الوجبه وما ياكلها بس يتذكر
أيامه مع فهد تخيلوا جاسم من كثر حبه لفهد يوم من الايام بالبرد نام على قبر فهد وحس بالدفا وبأن الجو كان بارد
# وفي اليوم الثاني# :
ريان: يما ..يما ..
: ها ..ريان شفيج :أم مشاري ..؟؟ ..
:ريان : جاسم بالحمام مو راضي يبطل الباب ويهدد نفسه ...
أم مشاري : أنتي شنو قعد تقولين ..
راحت أم مشاري لحمام ..جاسم ..وريان راحت نادت حنين ومشاري ...
أم مشاري : يما جاسم لا تسوي بنفسك كذا بطل الباب ..أنا مومتك اذا رحت من لي غيرك ..
جاسم (يبكي): خلوني .خلوني ..أكرهكم (جاسم قالها مومن قلبه )
مشاري : جسوم بطل الباب احسلك ...
جاسم: وانت شتبي ياولد أبوك ..أطلعوا برى وخروا لا انتحـر وانهي حياتكم معاي ؟؟,,؟؟
ريان : جاسم ..فهد مات ..والله يرحمه لاتعذب نفسك ..كذا ...
جاسم (يبكي): فهد ما مات ..مامات ..(انشاء الله أنتوا تموتون ..) ...أنتوا كلكم ..
أبومشاري سمع الصراخ وجأ :
أبو مشاري : شالسالفة ..شفيكم ..صراخكم واصل لأخر الشارع ...
أم مشاري : يا أبو مشاري ..الله يخليك ..جاسم مقفل عليه باب الحمام ..وأخااف يسوي بنفسه شي ..
أبو مشاري : أحسن ..
أم مشاري : ياأبو مشاري صارله ساعة داخل الحمام ...
أبو مشاري : أحســــن ..((عسالله ياخذه ,,ويركبه بليس واهو بالحمام ..ويموت داخل ولا يطلــع ))
جــاسم طاح على باب الحمام وقعد يبكي بحزن ودموع
جاسم: ليش تدعي علي بالموت ليش انا
شسويت لمتى بنطر لمتى وبكره العيد ليش يافهد والله تعبت والله حس فيني أمانة حس ليش أبوي يعاملني
كذا ليش تدري أن الزمن لعبة اليوم تحب بكره تكره ..اليوم تحيا بكره تموت ..فقدتك واالله حس فيني ...
تدري ليش أنا حزيــن آه وآه بكره العيد أتذكر قبل معاك ..شلــوووووووووووووووووووون ؟؟؟
طلعوا أخــوان جاسم ....
جاسم:آآآآآآآآآآآآآآآآآآآآآآآآآآآآآآه لو أنا الميت مو أنت يا فهــد...
أنا اللي طعنتك ..خدعتك ..ظلمتك..قهرتك..و....قتلتك..
في اليوم الثاني:
جاسم قعد من النوم بعد ما كان يبكي ...
جاسم:اليوم عيد يا فهد ..وينــــك؟
جاسم طالع الدريشه ولا أبوه رايح المسجد عشان صلاة العيد..
جاسم:ودي أروح بس..آه يالفهد تذكر قبل ....أيام حلوة بالعيــد صــح..
نزلت دمعة جاسم...وإهوا يتذكــر رفيق دربه وعمره اللي تركه بروحه ((فهــد))..
راح جاسم المقبرة وبالتحديد قبر (فهد)...
جاسم:فهد ...عيدك مب..ارك ...آه مشتاقلك حيل..اليوم
عيد..تذكر قبل لمن كنا نجمع عيادي واجد..أيام حلوة وراحت..تذكر لمن كان عمرنا 18 يعني صرنا رجاجيل كنا نوزع
عالجهال عيادي قدام الكبار..ووراهم ناخذهم وناخذ منهم زياده بعد..تذكر بصلاة العيد نروح نصلي مع العايله جميع
..تذكر ..راحت هالايام ...راحت (تنزل دموع جاسم بحرارة على قبر فهد...)...وينك عني ..وينك عني....وينــــك؟؟؟!!
في بيت جـــاسم(أم مشاري)
أم فهد:عيدج مبارك يا أم مشاري ..
أم مشاري: أيامج سعيدة يا أم فهـد..
أم فهد: شلونج وشخبار الرمضان معاج..إنشالله خير..
أم مشاري :والله ماشي الحال تمام ،وأنتي..
أم فهد: الرمضان عندي..من عقب فهد ،بأي عين أشوف ،وبأي دنيا أعيش ،وليش أفرح وأقــول..
أم مشاري: وسعي بالج شفيج..الله يرحمه ..أدعيله ..هذا عيد لا تبكين وتنكدين دنياج ..الولد مات والله يرحمه ..تراهو عند ربه ..
أم فهد ودموعه تنزل: الله يرحمك يا فهد ..((إنا لله وإنا إليه راجعون))..
في ديوانية أبـــو مشاري(جاسم)..
أبو فهد: ها ياأبو مشاري وين جسووم ، مايبي عيدية ،ما يبي يعايدنا ..شنــو للحينه نايم ...
أبو مشاري بكراهيه: لا مو نايم سيارته مو موجودة ..مادري وينه ..عساه يروح وما يرد؟؟
أبو فهد:: أفا يا أبو مشاري للحينك حاقد على ولدك ..لييش ..فهد
الله كاتبله يموت ..بحادث..جاسم ما سوى شي حرام عليك هذا ولدك ..رحمه ..شلوون تبيه يرحمك بكره ..
أبو مشاري: الله لا يعوزني له..بو فهد الله يخليك في اب بالدنيا يكره عياله وانا
ما اكرهه بس ليش جب علي وقال الفلوس حقه وطلعت حق وحدة انا ما اكره جاسم بس لازم أخليه يحس ويتوب .
جاسم رجع البيت ولمن نزل من السيارة جاه ولد فريجهم(عمر 9 سنين)..
عمر: جاسم ..جاسم..
جاسم: ها عمور شتبي ..في شي ..ترى مالي خلق..وإذا عالعيديه ترى ما عندي تعال بعدين .محفوظه عيديتك..
عمر: شفيك جاسم ،لا أنا أبي أقولك شي ، كنت بديوانية بيتكم....
وعمر قال حق جاسم كل شي وشنو ابوه قال عنه..
جاسم: أنت من صجك تتكلم ولا قعد تألف مسلسل من عندك ..قوول الصج..
عمر: والله إذا مو مصدقني أجيبلك أحمد ولد خالي كان قاعد معاي وسأله ..
جاسم بحزن: لا ما يحتاج صدقتك ..آه .ومرة ثانيه لا تقعد عند الرجاجيل اللي أكبر منك وتسمع سوالفهم عييب..
عمر: أنزين .. خلاااص..
جاسم :?((... حيــــاتي وين ...))
جاسم حزن لكلمة أبوه ...قعد يفكر معقولة أبو يكره
ولده ومعقولة ابوي ما يكرهني شلووون؟،بعد ما كان جاسم الهوا اللي أبو يتنفسه،اللي ما يقدر أبوه يستغني عنه لحظة
وحده ....، نزلت من عينه دمعة تذكر كل لحظة عاشها مع أبوه مع أحن أبو ...آه دمعاتك يا جاسم دمعة تكسر الخاطر ...
دخل جاسم البيت عند أمه ..
جاسم : الســــلام ...عيدكم مبارك ..؟؟.!
الجميع:أيامك سعيدة ..
ريان : جسوم يلا وين عيديتي ؟
جاسم: رايانو ، ترى مالي خلق ..ممكن تذلفين عن وجهي؟
ريان : هيـــن ، مابي منك ..مشمش ما يقصر؟
جاسم: مشاري طول عمره حافي ومنتف ..وكله يتسلف ..
جاسم قعد عند أمه وكانوا الحريم قاعدين ..وفجأة طاحت عينه على أم فهد:
أم فهد: شلونك جاسم ..شخبارك؟
جاسم: بخيروأنتي خالتي .؟؟..شلونج ولمن شاف الكادي ...وشلون الكادي؟
أم فهد : بخير والكادي بعد ؟؟ها شلونك مع الدراسة؟؟
جاسم والعبرة خانقته:تركتها ؟؟
الكل كان منصدم معقــــوووولة جاسم الشاطر كره الدراسة وتركها ؟؟
جاسم: أبــــو...
أم مشاري أمه تقاطعه : جاسم خلاص ما يبي يكمل دراسته
لكن أبو مشاري نصحه وقاله كمل دراستك بس جاسم عنيد وعاند أبوه وما يبي يكمل ..
أم فهد: لا يا جاسم ليش كذا ما راح ينفعك شي غير دراستك ولا وين تبي تشتغل قاعد كذا لا شغل ولا مشغلة .....
جاسم: مادري ، يلا ما عليه غيروا سالفة الدراسة ...
جاسم طالع (شهد=18 ) بنت خالته :
جاسم:ها شهد شلونج....
شهد: زينة وانت؟
جاسم:دوووم انشالله ،(بحزن)زيـــن ....
شهد:تسلم
تتدخل (عبير=18)بنت عمة شهد ...
عبير: والله وكبرت يا جاسم..
جاسم: ها ...أكيد أكبر ليش شايفتني جهال وأنتي والشلة اللي قاعدة عندج ؟.....
كان قاعد عند عبير=شهد_نور_ريان_شوق_نوف.
عبير: يعني صرت رجال تتحرش فينا يلا يلا روح صوب اللي مثل مستواك..
جاسم بعصبية: منو مثل مستواي ؟ها ؟ أمثالج حبيبتي ؟
عبير تتحرش:يلا يلا صوب بدر ولد الجوري يلا أقلب وجهك..
جاسم: شوفي مالي خلق أرد عليج أوكي توني جاي من المقبرة ..
عبير :ههههههههه شنو تسوي هناك تحفر قبور ولا تغسل موتى ؟
ريان تدز عبير :أنتي شفيج ...جاسم كان عند قبر فهد فهمتي ..
عبير :وي مادري ..
جاسم حقر عبير وراح للمطبخ:
عبير تلحق جاسم....
عبير: جاسم،جاسم..
جاسم: هلا عبير في بعد نغزة نسيتي تقطينها علي .؟؟؟؟..
عبير: لا والله ، بس أنا آسفة ، وأوعدك إني ما أعيدها مرة ثانية توبة ،حلفت ؟؟
جاسم: على شنووووووووو؟؟؟
عبير: لاني تطنزت عليك ، بس والله مو قصدي ..
جاسم: ماعليه ..
عبير: أنت شايل علي ؟
جاسم : لا ليش أشيل عليج ؟؟
عبير: صج أنت أول ما دخلت ما سلمت علي بس على شهدو ها ليش شنو علاقتك فيها ؟؟
جاسم : ههههههههه يا معودة ، يمكن أنتي اللي شايلة بقلبج علي ؟
عبير : لا بس شنو ؟ وليش ؟ لا تنحاش من السؤال ؟
جاسم: حرام عليج .أنا أمس شايفج ؟وشايف الكل بس ما شفت شهد من زمان حرام عليج كل هذا بقلبج شايلته علي ؟
عبير: نزلت ههههههههههههه ، يلا ما عليه..
جاسم كان سرحان يتذكر رفيقه فهد وفجأة دمعة :
عبير شافت الدمعة :
لكن درت هالدمعة فيها ذكرياته مع فهد ..
عبير طلعت من المطبخ ولا كنه شي صار وقعدت عند ريان وشهد:
ريان: شعندج مع أخوي ، شنو السر : قولي
عبير بضيق: ما في شي ؟
شهد: شفيج حزينه ودمعتج بعينج ؟
عبير: منو قال ؟
عبير ما قدرت تمسك دمعتها وطاحت دمعتها ....
شهد تاخذ ريان بعيد عن عبير ؟
شهد: ريان شفيها عبير ، جاسم قالها شي زعلها ..
ريان : لا جاسم ما يزعل أحد بس يمكن..
شهد: يمكن ، شنو خرعتيني ؟
ريان : بدخل المطبخ ولا جنه شي صار ...وابي أشوف جسوم شنو يسوي ؟؟؟؟
شهد : إهو دخل المطبخ؟
ريان : ايه داخل المطبخ انطري
ريان تدخل المطبخ عشان تشوف جاسم شنو يسوي داخل ..
جاسم شاف ريان ومسح دموعه :
جاسم: شنو تسوين هني
ريان: أنت شنو تسوي هني؟
جاسم بعصبية: مالج شغل واطلعي برى ؟
ريان : خالتي تبي ماي؟
جاسم: أي خالة هاذي تبي ماي ؟
ريان: حنان(أم فهد)..؟؟؟...
جاسم: أخذي الماي ويلا طلعي برى؟
ريان : كيفك .أنت المفروض برى ؟
جاسم يصرخ بوجهه ريان: ريان . وبعدين معاج ليش لسانج وصخ وقذر كذا ..
ريان كانت تطالعه وكانت تبي تبكي لان أول مرة يصرخ بوجها : مافي شي ؟؟
جاسم: كل هاذا ماي أنتي شناوية عليه ..
أم فهد تدخل ومعاها الكادي :
جاسم: هلا خالتي بغيتي شي؟
أظم فهد : أي والله أبي ماي...
جاسم: هاذي ريان قالت....أنتي كنتي طالبة منها ماي؟
أم فهد: لا والله ما طلبت منها ؟ ليش؟
جاسم يطالع ريان بنظرات شريرة لا والله مافي شي ..وفجأة لمحت عينه الجازي أخت فهد...
جاسم بكى ومسح دمعته بسرعة عشان محد يلاحظه قعد يعاتب نفسه:
((أنا اللي حرمتج من أخوج فهد ، اللي كان يحبج وما يقدر يستغني عنج لحظه وحدة آه يا فهد حرمتك من كل شي ، حرمتك
من حياتك ، يارب ملييييييييييييت ..وينك يا فهد عني وينك ؟؟((حياتي ويـــــن )) عنـــك؟؟
ريان: جاسم شفيك سرحت تفكر بمنو؟..
جاسم: ها لا ما في شي ويشاورها بصوت واطي : حسابي معاج بعدين...
أم فهد: ريان ..ممكن تاخذين الكادي وتروحين معاها الصالة ..
ريان : انشالله ...
خذت ريان ..الكادي وراحت معاها الصالة ..مافي أحد بالمطبخ غير جاسم وأم فهد..
جاسم توهق وخاف...
أم فهد: جاسم..
جاسم متدوده : هلا ....خــ....خالتي
أم فهد:أبي أقعد معاك شوي بموضوع ؟ممكن؟
جاسم مخترع:ها،أي موضــوع؟ تفضلي؟
أم فهد: الموضوع يتكلم عنك وعن المرحوم (فهد)..
جاسم يبكي: خالتي والله ماسويتله شي ؟ليش يعاملوني كذا ؟ ليش؟والله مو أنا ذبحته ؟والله؟
أم فهد بكت مع جاسم:
أم فهد: خلاص يا جاسم قطعت قلبي ..بس حبيت أقولك
أن فهد من مات ما بطلت داره وكل غراضه موجودة ..وانت يا جاسم أول واحد يدخل داره بعد وفاته ..
جاسم: لا يا خالتي .. مابي ..مابي ..
أم فهد: ليش يا جاسم ليش .فهد مو زعلان منك
ويحبك ومستحيل أدخلها قبلك هذا فهد اللي كان ما يقدر يستغني عنك أو يبيعك اللي فضلك أكثر من أمه وأبوه..
جاسم : انشالله أفكر ، أفكر ..خالتي والله خايف..
أم فهد:أفا يا وليدي ما هقيتك كذا ..ليش خايف مافي شي يخوف ..
جاسم: لا ...مادري ..بعدين أفكــر؟؟..
ام فهد: خـــلاص متى ما تبي ..ترى بو فهد رفض ادخلها قبلكـ يا جاسم لان فيها ريحة المرحوم من ماات
جاسم: إنشاللهـ
ام فهد من المطبخ وجاسم حزين آهـ
وبعد مرور شهر جـــاسم عالحال اللي اهوا فيه ما تغير شي
حياتهـ للحيــن عذاب دموع وحسرات وندم تخيل الموقف لو أنت مكـآن جاسم شنو موقفك لا آكثر منه ولا أقل منه ..؟؟..
أم مشاري : يا أبو مشاري ..ولدك هاذا حس فيه اذا انت ما حسيت فيه منو يحس فيه؟
أبو مشاري: أنا حاس فيه وهاذا ولدي وانا ما سويت كذا فيه الا عشان يكون عنده احساس ويتعلم .
أم مشاري: حرام عليك الولد صار فيه نفسية عذبته حس فيه حرام عليكـ ؟؟..
جاســــــــم راح بيت فهد :
جاسم طق الباب :
الخدامه: نعم ..منو يبي .
جاسم: ماما ويـــن ؟
الخدامه: موجود منو يقول ؟
جاسم: قولي جاسم بره ..
الخدامه: انزين ..لحظـــــهـ ..
وبعد لحظــات :
أم فهد: جاسم تعال يما ادخل واقف بره ليش ؟ البيت بيتك؟
جاسم : خالتي فكرت بالموضوع بــس؟
أم فهد: يا جاسم فهد يحبك ويحبك أكثر من أمه وأبوه .
جاسم: آه خالتي أنتي شايفه كذا ..؟؟..
أم فهد: جــــاسم تعــــال .
صعدوا الدرج وراحوا الغرفة أم فهد افتحت باب الغرفة :
جـاسم دخل الغرفه (مصدووووم)
مععقوله هاذي غرفة فهد ..معقوله بكل مكان صورنا بكل
مكان بالغرفه ..معقوله ريحة فهد للحين معقوووووووله كل شي موجوود كل ذكرياتنا هني ..
دمووووووووع جاسم يمكن كانت تعبر عن الموقف موقف حزين دمووع جاسم تكسر الخاطر وفجأة لمحت عيونه صورة:
جـاسم تذكر الموقف اللي بالصورة :
موقف تخرجهم من الثانويه:
فهد: جاسم آنا نجحت نجحت وأنت ؟ قوول شفت نتيجتك؟
جاسم : إيه ناجح
فهد: نسبتي ما تسمحلي أدخل طب أبي أدخل هندسه وانت ؟
جاسم: آنــا معـــاكــ وين ما تروح ..معـــاك ؟؟
فهد: ههههه حتى لو أمــوووت معـــأي ؟
جاسم: هههههه الله لا يقولها يومي قبل يومك عمرك طويل انشالله
وجاسم طالع صوره ثانيه إهو وفهد بالشاليه :
هاذي الصورة لها ذكرى خاصة لأن يوم كانوا بالشاليه كان عيد ميلاد (فهد ) شلووووووووون ؟ وينك ؟ ليش؟
وصـــ ــــور تذكره بأشيـــــاء وأشيــــاء ..
وجاسم بطل درج (الكوميدينا) مال فهد لقى دفتر ذكريات :
((شلوووووووووووووووووووون))
كل كلمة كل حرف دار بينهم مكتوب بذكريات فهد ليش :
طاحت من الدفتر صورة فهد مع جاسم آخر صورة بينهم :
كل صورة تعبر عن موقف فهد مع جاسم فهد محتفظ فيها
جاسم يبكي رفيق دربه بعيد عنه يعني خلااااااااص (ماااااااات)
جاسم يبكي: آآآآآآآآه لييييييش ليش فهد ليش ليش (حياتي وين ) عنك ليش رحت بعيد ليش خليتني بعيد عنك ليش ليش آآآآآآآه
واهوا يقرأ الذكرياات فتح صفحة شااافه ، بس هاذي الصفحة مو مكبوب عليها ماي هاذي الصفحة كانت مبللة
من دمووووع (فهد) ليش دموعه كانت عالصفحة اللي لمن جاسم طرد فهد من الديوانية (آآآآه)
عــــــــذااااااب ....ألــــــــم ..جـــروووح ...
جاسم قعد يبكي واهو يقرا كلااام فهد :
فهد كان كاتب كلام حق جاسم كنه يدري انه يوم من الايام راح يفارق الحياة ويرووح بعيد عن الدنيا :
فهــــد:
(( جـاسم أدري أن الله إذا كاتبلنا شي راح يصير لكن ابيك تدري أن كل موقف صار بينا مكتوب ،كل شي وكل موقف له صورة وإن
كان بعض المواقف مالهاصورة فلها ذكرى خاصة نحتفظ فيها بالقلب ولا بالعقل تأكد إذا أنت كنت تكرهني فأنا
مستحيل أكرهك مستحيل وتأكد إذا أنا فارقت الحياة أبيك تحتفظ بذكريااتي أبيك تعرف إني مت وأنا راضي عليك
مستحيل أزعل من (أخووي) مستحيل صدقني أنا أحبك وأمووت فيك أنت الروح بالنسبة لي وأنت أكثر
من أخووووو...ووصيتي لك دير بالك علي أختي الوحيدة وأنت أخووي الوحيد أعتبرها أختك وأبيك تربيها
وأبيك تحافظ على صلاتك فاهي نور دنيتك واهي طريقك للجنه أهم شي يكون ربك راضي عنك وعن
اللي تسويه أبيك تتزوج وأول ولد تجيبه تسميه(فهـد) يا بو فهد أبيك تعيش حياتك وتستقر صدقني
يا خووي اذا عشت دنياك لحظه وحده سعيد راح تعرف باقي حياتك حزينه أنت ما خنتني
أنت انقذتني ووجهتني على الطريق الصح أنت الوحيــد اللي لك معزه وغلاة عندي ...مابيك
تنساني ...أهم شي تكـون راضي عني مدام اني راضي عنك؟؟..جـــاسم ...آنـــا أحبكـ وأمووت فيك..))
مـــــــن رفيقك وأخووك ..فهــد ..
نهـــاية الرســالة.
كل شي موجود داخل غرفة فهد كل شي فهد راضي عن جاسم ووصية فهد لجاسم أخته وحياته الخاصة والصلاة ....
معقوووووووولة جاسم مصدوووووم ؟ ليش؟
جاسم توقع فهد ناسي كل شي بس الغرفة عطت معنى الوفا والأمانه والصداقه لجاسم عن فهــد
جاسم تعلم من الحياة واجد أشياء وتعذب وتاب وتوجه على طريق الصلاة نعم هاذي الدنيا خيانه وغدر ونسيان ...
شنو راح يصير بحياة جاسم) ليش كلمته (حياتي وين )
هاذي كلمته تدل أن حياته بدون فهد ضايع جاسم ما شفت دمووعه
كل يوم يبكي وكل يوم يصرخ كل يوم تزيد جروحه كل يوم يتعذب أكثر، (أهون عليك) جاسم بالنهاية يغنيها لفهد ...
دنيا....حسااااافه ...
جاسم تمنى أنه يمووت وفهد يعيش لكن كلمة فهد :
(( اللي الله كاتبه لنا راح يصير))
إذا سألتوني منو أنا ..أنا مشعل اللي بالديوانيه ولد خال جاسم
أقرب شخص لفهد وجاسم ..ذكريات فهد اهي اللي دلتني على كل شي ...وفهد كان قبل لايموت يدز مسجات لمن كان
داخل السيارة محشوور ماكان راضي يطلع ويطلب من جاسم مساعدته لكن للأسف جهاز جاسم مغلق .قبل لايدري
جاسم أن فهد مات لمن رد البيت وشاف سيارة فهد أول مره مو موجوده لأن كان لجاسم قلب على رفيقهـ فهـــــد
جاسم ظل حاضن الذكريااات بهدوووء ودموعه تنزل بحراره .
دخلت أم فهد الغرفة تنادي جاسم وجاسم يبكي وما يقدر يرد
أم فهد : جـــاسم ..؟
جاسم:....................
أم فهد : جــاسم يما ليش ما ترد ؟؟
جاسم: ...................
أم فهد حركت جاسم وفجأة طاح جاسم عالفراش لقت جـاسم يبتسم لكنه (ماآآآآآآآآآآآآآآآآآآآآت)
شلوووووووووو ووووووووون جاسم ماات واهوا يبتسم لأنه عرف أن فهد راضي عنه وأبوه بعد وهاذي نهايته .
جاسم مااات وعمره(22) سنه ماات بدار
فهد ماسك دفتر الذكرياات بقوة ودموعه على خده وبعيونه الحين اهوا بجوار الرحمن ..عنـــد فهد حـ ـزن ألم وغدر ؟
فهد مات عمره(20) بحادث سيارة ..
جاسم مات عمره(22) بدار فهد
واهوا مبتسم ودع الحياة ماات سعيد هاذي نهايته البحث عن السعادة وحياته ويــن ؟ حياته بالآخره مع فهد ...
الدنيــــا مـــا ترحم ما ترحم ولا راح ترحــم ؟؟؟؟
هـــاذي النهايه ربع وأخوان بالدنيا وربع وأخوان بالآخرة ...فهــــد وجــــاسم..
سامحوني اذا طولت عليكم
واتمنى القصه عجبتكم .. لاتحرموني من الردود ..
تحياتي
العضو
المميز 
الإهداءات
قصه طويله وواقعيه لعايله كويتيه :: تكفوون قروهاا
العرض العادي
